Malesa di nir
Aki bo ta haña un bista di e malesanan di nir mas komun. Si bo ke mas informashon òf bo kondishon no ta lista, por fabor tuma kontakto ku nos.
Malesa di nir polikistiko
E kousa prinsipal di malesa di nir polikístiko ta un predisposishon hereditario, normalmente kousa pa un mutashon den e genenan PKD1 òf PKD2. Esaki tambe ta wòrdu yamá malesa di nir polikístiko outosomal dominante (ADPKD). Pa mas informashon:
Piedra di nir
Orina ta kontené salu i mineral. Esakinan por pega huntu, formando piedra di nir. Piedra chikitu di nir ta pasa dor di bo urina. Piedra di nir mas grandi por kousa síntomanan.
Sindrome nefrótiko
Ku síndrome nefrótiko, e filternan di e nirnan no ta funshoná korektamente mas. Komo resultado, bo ta ekskretá hopi proteina den bo urina, loke ta resultá den un defisiensia di proteina den bo sanger.
ATN
Nekrosis tubular agudo (ATN) ta un daño diripiente i severo na e tubulonan renal. Esaki ta kausa ku diripiente e nirnan ta funshona hopi malu.
Riba website di Nierstichting Nederland, bo por haña hopi informashon tokante malesanan di nir. Nos ta kreando videonan di Papiamentu tokante e malesanan di nir mas komun. Unabes ku nan ta kla, nan lo wordo poni riba e pagina aki i riba nos Facebook página.