Tokante nos
Bon biní na e página di Kuida bo Nirnan "Tokante Nos". Aki bo ta deskubrí ken nos ta, kiko nos ta hasi, i dikon nos ta komprometé na yuda pashèntnan di nir na Kòrsou. Sigui lesa i siña konosé nos mihó.
E asosiashon tin komo meta pa defendé i promové e interesnan di pashèntnan di nir na Kòrsou. Nos ta traha pa:
a. Informashon klaru i konfiabel
Duna informashon amplio, aktual i konfiabel tokante nir i malesa di nir na pashèntnan, nan famia i tur otro partidonan interesá, ku e meta pa mehorá kalidat di bida.
b. Edukashon i prevenshon
Promové edukashon di pashènt i di pueblo, mehorá akseso na rekursonan, i defendé pa mehorá di práktikanan i polítikanan den kuido di salú. Nos ta pone énfasis spesial riba prevenshon di malesa di nir i riba tratamentu di diálisis.
c. Kolaborashon pa un komunidat mas fuerte
Enkurashá un relashon di konfiansa i kolaborashon entre pashèntnan, profeshonalnan médiko i dunadónan di kuido di salú, pa benefisio di tur komunidat afektá pa malesa di nir.
d. Aktividadnan ku ta yuda
Organisá actividadnan i reunionnan ku ta kontribuí na bienestar i empoderashon di nos grupo meta.
Ken ta nos direktiva
Scarlet van Belle, presidente/sekretaria
Alex Mollen, tesorero
Elfred Merselina, miembro di direktiva
2 vakatura
Kuida bo Nirnan? Di kon?
Kuida bo Nirnan ta úniko pasobra nos ta un asosashon pa pashèntnan di nir i di pashèntnan di nir. Nos ta komprondé e retonan i nesesidatnan di pashèntnan di nir na Kòrsou bon. Nos dedikashon i eksperensia di nos miembronan ta permití nos pa duna sosten dirigí i efektivo. Den kolaborashon ku Nierstichting Kòrsou, nos ke hasi un diferensia pa e pashèntnan di nir di Kòrsou
“Huntu nos ta para fuerte pa interes di pashèntnan di nir na Kòrsou.”
Tim di Kuida bo Nirnan