Dieta pa insufisiensia di nir severo

Ku daño severo na nir, bo mester di un dieta special. Esaki ta normalmente e kaso ora bo nirnan ta funshonando na ménos ku 30%. Lo bo risibí konseho di dieta personalisá pa motibunan médiko.

E dòkter i dietista lo indiká ki ora ta nesesario pa kuminsá ku e dieta. Esaki ta varia di persona pa persona. Kua dieta bo ta risibí i ki ora bo ta kuminsá ta dependé di, entre otro:

  • e severidat di e daño na nir

  • mas tratamentu

  • produktonan di desperdisio den bo sanger

  • e kantidat di potasio i fosfato den bo sanger

Aktualmente nos ta trahando un video tokante di dieta pa fayo di nir. Te ora e ta kla, bo por haña algun informashon aki bou.

Dikon un dieta?

Nirnan daña no por tene e sanger limpi debidamente. I e balansa di líkido i salu (manera potasio i fosfato) por bira strobá. Bo por eksperensiá síntomanan komo resultado. Un dieta ta yuda prevení síntomanan mas tantu posibel. Tin bia un dieta tambe ta yuda pa prevení mas daño na e nirnan.

Proteina

Proteina ta un nutriente importante. Sinembargo, e digestion di proteina ta produsí hopi produkto di shushi (afvalstoffen). Si e nir no ta funshoná korektamente mas, e produktonan di shushi aki ta akumulá den e sanger. Komo resultado, bo por eksperensiá síntomanan manera kansansio, piko, nâusea i sakamentu.

Ta importante pa bo no konsumí muchu òf muchu tiki proteina.

Fosfato

Debí na daño na nir, muchu fosfato por keda den e sanger. Esaki por kondusí na problemanan di wesu i otro síntomanan.

Potasio

Debí na daño na nir, muchu potasio por keda den sanger. Esaki por kondusí na problemanan di kurason. Bo por mester redusí bo ingesta di potasio.

Otro konseho tokante daño na nir

Dor di sigui e konseho di dieta, bo ta kontribuí aktivamente na bo tratamentu. Adishonalmente, tin mas kos ku bo por hasi pa prevení mas daño na nir.

 

Hasi ehersisio sufisiente
Ehersisio ta baha preshon di sanger. Esaki ta benefisioso pa bo nir. Tambe bo tin un riesgo mas abou di malesa kardiovaskular. Esaki ta spesialmente importante si bo tin daño króniko na nir, pasombra daño króniko na nir en realidat ta oumentá e riesgo di malesa kardiovaskular.

 

Mantené un peso di kurpa saludabel
Si bo tin sobrepeso ta oumentá bo riesgo di haña preshon haltu i diabétis. Komo resultado, daño na nir por bira pió. Ta bou di peso tampoko no ta bon: bo sistema imunológiko ta debilitá. Mantené un peso saludabel.

 

No huma
Funshon di nir ta deteriorá mas lihé serka hende ku ta huma. Esaki ta pasobra e vasonan di sanger den i ku ta hiba na e riñonnan ta wordo daña door di humamento, y pasobra presion di sanger ta subi. Humamentu tambe ta oumentá e riesgo di malesanan kardiovaskular.

 

©Nierstichting Nederland